AMC БУЮУ АМЖИЛТЫН ТАНХИМ

АМС буюу АМЖИЛТЫН ТАНХИМ нь гишүүддээ үйлчилдэг ашгийн төлөө бус төрийн бус байгууллага бөгөөд 2019.08.08-нд үүсгэн байгуулагдсан. Бид амжилтад тэмүүлэгч эрхмүүдийг холбон хамтын ажиллагааг бий болгох, байгууллага, бизнес эрхлэгч болон энтрепренеруудыг хувь хүний хөгжил, ур чадвар олгох сургалтаар хангах, үнэт зүйл нэгтэй бусад байгууллагыг дэмжин, хамтран ажиллах зэрэг үйл ажиллагаа явуулдаг. Бизнес эрхлэгч, энтерпренер та гишүүн болж манай үйл ажиллагаанд хамрагдах боломжтой бөгөөд  та гишүүнчлэлийн журам хэсгээс дэлгэрэнгүй мэдээллийг авах боломжтой.

Үндсэн ажиллагааны хоёр дах чиглэл бол Байгууллагуудад менежментийн болон хүний нөөцийн зөвлөх үйлчилгээ, судалгаа хийх, хүний нөөцийн чадавхийг бэхжүүлэх, мэргэшүүлэх ОУ-ын модуль сургалтуудыг зохион байгуулдаг.

АМС нь амжилтаа бүтээх зорилготой хүмүүсийг холбох болон бизнес эрхлэгчдийг хөгжүүлэх чиглэлд сургалт, арга хэмжээ, уулзалт форум, судалгаа хийх, үнэн бодит мэдээ мэдээллийг түгээх зэрэг ажлуудыг тогтмол явуулдаг. Үйл ажиллагааны мэдээллүүдийг та вэб сайтын бусад цэсээс болон бидний сошиал хаягуудаас хүлээн авах боломжтой.

​Хувь хүнийг чадавхжуулан энтрепренер болгон хөгжүүлснээр бид тухайн хүний амжилт бүтээмжийг нэмэгдүүлж, үүгээрээ дамжуулж эх орондоо эерэг дэвшлийг авчрах, амьдралын чанар дээшилсэн эрүүл, аз жаргалтай нийгмийг бүрдүүлэхэд хувь нэмрээ оруулах нь АМС-ын мөн чанар юм. Хүсэл, зоригийг маань дэмжиж, бидний нэг хэсэг болоход тань бид үргэлж талархан хүлээн авах болно.

                                                       АМЖИЛТЫГ ХОЛБОЁ